14/9/2009 睩睩 1yr 10m 3d, 卜卜 7m 30d 

今日係嫲嫲生日，尋日我哋同嫲嫲去廸士尼酒店食自助午餐慶祝...

未夠鐘開餐，喺隔離遊戲室玩陣先

開餐lu! 一入到去見到嘅就係Daisy, 我以為睩睩會驚到喊，好彩又無喎；卜卜就一係推開人哋，一係搞個公仔

高飛呀！

睩睩：驚驚...      卜卜：家姐唔洗驚，我幫你打佢個鼻！

卜卜：搞我個頭吖喇，掹你啲鬚！ 

爺爺個黑超LOOK幾型!.... 卜卜：啊DAISY小姐，你個衫袖遮住晒，我睇唔到爺爺個型look呀！

切蛋糕喇！高飛嚟同我哋一齊慶祝，影張生日合照，但係卜卜都係對高飛有興趣啲... “啊狗仔，你貴姓呀？”

許個願，祝嫲嫲願望成真！

切蛋糕！就嚟有得食，卜卜終於無再搞搞震

咦！頂生日帽好似啱卜卜戴多啲喎！

食到悶悶哋，睩睩又發癲掛住玩lu!

兩姐弟玩到癲晒！... 佢哋哈哈笑嘅樣，係世上最靚嘅影像；唧唧嘅笑聲，係世上最好聽嘅歌聲！ 

玩到攰，卜卜有啲呆呆哋

睩睩：殊!... 我同卜卜細路都好攰，要瞓一陣休息吓，你哋唔好咁嘈...

食完飯我哋出室外行吓，影吓相

睩睩：爺爺，好熱呀，“控”咁埋呌唔到氣呀！

天氣實在熱得太過份，我哋行咗五分鐘唔夠就頂唔順走人... 慘啦！啲硏究話香港十年後無冬夭，咁咪全年都無得去室外玩囉！大鑊大鑊！！

早幾日係工人姐姐生日，我哋同佢切蛋糕慶祝

睩睩急不及待攞定隻义

睩睩嘅典型污漕核突食相

睩睩鍾意玩貼紙，貼到成面都係就話自己係monster!.... 媽咪真係未見過咁可愛嘅monster.

um... 不過呢隻monster對卜卜嚟講又真係幾可怕！

嘩！睩睩玩到個頭甩咗呀！

卜卜著呢套衫好型啊！... 紙巾係卜卜嘅至愛，如果喺呢一刻攞走佢包紙巾，佢會立即嚎哭，嚇到你俾番佢為止

細腳，大腳，中腳， 細細腳

6/9/2009 睩睩 1yr 9m 26m , 卜卜7m 22d

早個幾星期，卜卜已經開始爬，越爬越叻，同家姐以前學爬一樣，用remote嚟引佢就最有效！

睩睩見細路BB爬得咁落力，幫佢沖番個靚涼喎！

洗頭先...

刷背...

洗手臂...

似模似樣㗎！

30/8/2009 睩睩 1yr 9m 19d, 卜卜7m 15d

睩卜好番好多喇，基本上已退晒燒...

um...不過仲有啲“huh...choo”！

不過呢啲好小事，佢哋已經生猛番晒，仲玩“sir”滑梯添！

玩到撞埋牆！

爬住玩...

頭落先... 撞到頭都歪埋．（小朋友千祈唔好學，睩睩係經過專業訓練㗎！）

仲拉埋卜卜一齊玩... 哎吔！出咗啲意外添...

既然咁精神，出去玩lu！去小白鷺 

又餵羊仔，唔知幾個月前睩睩喺度餵過嘅羊仔，仲喺唔喺度呢？

室外實在熱得太厲害，都係頂唔順，轉戰室內... 不過都唔好受

同睩睩玩吹氣彈彈床，好彩啱啱無人玩，我哋可以一齊玩，不過攰到傻，玩一陣已經頂唔順，要daddy接力

大字型daddy痴咗埋牆呀！daddy都唔挨得幾耐，結果我哋要輪住嚟同睩睩玩

玩番啲靜態啲嘅嘢好啲，整麵包，睩睩好似好認真喎

點知擰歪面偷偷哋食提子乾

今日嘅節目好似唔係好啱卜卜，悶到卜卜淨係食手指

等麵包期間，我哋去食tea

睩睩指住話要食咗隻小白鷺，媽咪忍唔住要揾水淋佢：「醒吓啦唔該！」

“睩睩，你望吓嗰邊”

“你咁曳，义你個頭！”

好好味呀！

咁樣食可能好食啲添

爬上去搶嘢食先

吓！無喇？我仲要呀！

網友瀅瀅天生愛乾淨，咁我諗睩睩就係天生愛污漕喇，無晒嘢食就玩喺枱上溶咗嘅雪糕，攞嚟幫張枱做facial

忡係天生粗魯，超級嗰隻

卜卜bb話無眼睇，瞓覺好過

我哋啲麵包完成喇！睩睩啱啱食飽玩飽，但都啤住媽咪，驚死搶咗佢啲包包

27/8/2009 睩睩 1yr 9m 16d, 卜卜 7m 12d

啱啱過咗嘅星期日，我哋去咗睩睩朋友仔嘅生日會，地方好大，有好多嘢食，好多玩具玩，仲有bbq，泳池，同小丑姐姐添！

地方係咪好富麗堂煌呢！

卜卜係七彩精靈蒙面俠！

小丑姐姐幫睩睩喺手臂度畫咗隻好可愛嘅蜜蜂仔！

呢個星期睩卜好可憐呀，齊齊病倒了

首先係睩睩發燒，一發燒嗰陣就變咗隻好嗲嘅呆呆豬

啲燒稍為退啲，又變番隻馬騮喺度練一字馬

真係稍為退燒㗎咋，仲貼緊個退熱貼

發緊燒，火都勁啲！... 咁惡做乜，傷身呀

病緊喺屋企有乜好做呢？... 唱歌囉，睩睩唱歌好好聽㗎！揸個咪揸到好似食雪糕咁

睩睩唱歌好投入，好有感情㗎！

過咗兩日，卜卜bb都發燒喇... 睩睩每日閒閒地都鍚卜卜一百幾十嗒，卜卜又有乜可能唔病埋一份呢

好淒涼呀！

21/8/2009 睩睩 1yr 9m 10d, 卜卜 7m 6d

今日我哋去咗科學館，本來係為咗糖果嘉年華而去，但其實其他展覽都好好睇

呢個係模擬舌頭同牙齒，唔同顏色代表唔同味蕾嘅分佈，仲可以俾啲小朋友喺上面彈吓彈吓，睩睩面對咁多大哥哥大姐姐一啲都唔驚，照跳可也！

不過當卜卜都在場，睩睩就唔跳喇，佢話要保護細路喎！

睩睩同媽咪一齊設計糖紙

“我要你枝藍色！”　“唔制呀！”... 究竟邊個搶邊個枝筆呢？？

夾糖糖... 睩睩當然最心急！

你估呢個球體可以載到幾多粒 jelly bean? 提示：多到睩睩都抬得好辛苦！.... 有差不多二萬二千粒呀！

點解我哋打側咗嘅？... 想知？去科學館睇睇啦！

一家四口做咗擺設... 好恐佈呀！

睩睩做咗巡場，四圍巡吓仲有乜好玩

“喇，啲魚魚呢係咁樣咁樣游水嘅... 呢條係藍色，嗰條係透明...”　“哦哦哦...”　究竟係邊個教邊個呢？

科學館入面嘅所有嘢，除咗睩睩知有糖糖之外，我肯定無一樣嘢睩卜睇得明，但佢哋都玩得好開心，因為所有嘢對佢哋嚟講都係好新鮮，無論行公園定商塲都唔會見得到；又有冷氣又可以周圍走又有嘢玩，多嘢睇到我哋好唔仔細咁睇都睇唔晒，都算得係一個好地方！而且隨住佢哋一路大，識得更多嘢時，去多好多次都得

去完科學館，番屋企沖個靚涼，卜卜bb成個大爺咁款

“唔係呀，我好nice好可愛㗎！”

daddy都要扮吓同bb沖涼... 扮㗎咋！

“呵呵！細路沖完涼香噴噴，攬吓先！”　“唔~~又攬~救命呀~” 

卜卜話寧願俾呢堆笑騎騎貓貓攬喎，佢哋無咁粗魯

我係睩睩醫生

媽咪，等我幫你check 吓啦！唔~你患咗「過度鍚睩卜症」，好嚴重...

16/8/2009 睩睩 1yr 9m 5d, 卜卜 7m 1d

熱流長襲港之後，除泳池外，我哋幾乎已絶迹戶外，不過都真係有啲悶，所以今日一早就去我哋至愛嘅公園廸欣湖玩，諗住早啲去無咁熱，點知都係熱到傻熱到癲熱到溶

出發前，精神奕奕！卜卜bb上次嚟已經好耐之前，嗰陣仲未識得玩

睩睩話今日太陽伯伯太勁，要全副武裝出發，好型呀！

小姐呀，啱啱先讚完你型，轉頭又擺番個典型狼胎食相出嚟，唉...

卜卜都唔執輸食埋一份... 卜卜嘅為食，比起睩睩係有過之而無不及，見人食乜都要食，一唔俾佢就會搏命喊，好似虐待佢咁

daddy一攬二... 唔攬埋媽咪嘅？

天氣太熱，我哋最終都無行晒就走咗去playground玩lu

睩睩嘅至愛韆鞦，就算大熱天時要搖兩隻怪獸，daddy媽咪都係咁enjoy！

睩卜都玩得好開心！

唔洗幾耐，佢哋就唔可以分享同一個韆鞦喇... 實在唔想睩卜大得咁快...

打完韆鞦打功夫？

車！...“sir”滑梯咋

卜卜bb“sir”滑梯就話勁啫！

搖搖板... 原來睩睩只係重卜卜少少

天時暑熱，玩水最爽！

爽到跳舞！

卜卜bb都玩得好興奮！唔洗幾耐就會同家姐追嚟追去㗎喇...

早幾日，卜卜玩到架車車入面嘅玩具飛晒出嚟

家姐話卜卜一定係想坐車車，所以推佢行番轉

“哈哈哈！我好乖女呀！”

“我咁乖，daddy推番我一轉吖？”

點知daddy唔肯，於是...

睩睩送呢個表情俾daddy... 真係想星佢兩嘢

於是好鍚睩睩嘅爺爺出馬，推到飛上半空添，睩睩即刻笑晒！

天氣咁熱，係時候剪頭髮

睩睩對呢個低b冬菇頭都十分滿意，剪完之後開心到通屋跑

呢件哥斯拉衫係專登揀俾睩睩㗎... 實在太襯佢！

11/8/2009 睩睩 1yr 9m, 卜卜 6m 27d

夏日炎炎，天氣熱到傻，除咗游水之外，都無乜嘢好做

型到爆嘅泳鏡，襯晒sexy睩睩！

游啊游啊... 泳池唔俾影相，呢幅係遠距離影㗎，放大咗之後矇矇哋

游完水食番杯冰凍乳酪！

食到咁污漕，罰企！要企喺舊lego上面，好變態啊！

除咗游水，多數都係留喺屋企涼住冷氣玩算lu

求其“fing”吓兩隻怪獸，佢哋已經好開心㗎喇！

 “細路bb，俾媽咪fing係咪好驚呀？家姐呵番！”

早兩日，細表弟要出世，所以津津表哥嚟咗短暫寄居

畫吓畫...

影咩呀？？未畫好呀！

“未摸過咁滑嘅面珠呢~”

29/7/2009 睩睩 1yr 8m 18d, 卜卜 6m 14d

睩睩對佢嘅長頭巾look似乎十分滿意，成日都攬住條巾周圍走

卜卜bb嘅短頭巾lood都唔錯啊！有型又靚仔！

某日，睩睩攞咗bb嗰支水，然後話佢自己係baby，攞嚟啜啜啜扮bb

扮扮吓佢自己都忍唔住笑

其實卜卜已經大個咗好多，近來已經可以自己坐得穏，仲可以坐high chair 添喇！

咦，呢舊乜東東嚟㗎？

可以自己坐high chair，卜卜都好開心啊！

坐定定，食餅餅！

食完糊仔飲啲水，飲到“木”晒嘴...

睩睩戴咗爺爺條呔，著住daddy對鞋，跟住話go to work喎... 真係可憐，咁細個就要做嘢幫補家計

多咗三粒銷魂癦嘅睩睩

睩睩唔係喺度跳緊舞，佢喺度嚇緊媽咪呀！...佢學我哋嚇佢嗰個樣，但又學得半桶水，結果變成咁，對住佢呢個咁搞笑嘅動作，難為媽咪仲要扮驚驚

似乎佢呢個受驚嘅樣仲嚇人！

22/7/2009 睩睩 1yr 8m 11d, 卜卜 6m 7d

我哋一家平時玩埋啲嘢係傻傻哋嘅

呢隻鬼鬼好恐佈呀！

嚇到daddy都話“驚驚”

原來係睩睩！

嗚......

....喳！

玩到好似打交咁！

“好玩呀daddy，鍚鍚！”卜卜說

“baby個頭好圓呀！好好摸...” 睩睩說

daddy話睩睩件泳衣好靚，要著埋一份喎

“daddy，件靚靚泳衣我㗎！”

䐂睩食薯條，食到成個麥當奴叔叔嘴

孖辮睩睩

15/7/2009 睩睩 1yr 8m 4d, 卜卜 6 months!

今日係卜卜嘅半歲生日...

我哋買咗個靚靚蛋糕同佢慶祝，呢輪媽咪太忙喇，無時間整lu

卜卜見到都好開心啊！！

仲伸晒脷，流晒口水.. "食得未呀？”卜卜說

一件蛋糕，一家四口分，更好味！係呀，卜卜bb半歲都有份食㗎喇！同家姐一樣，喺半歲大今日都幫卜卜整咗手模腳模，等收貨後連埋家姐嗰個一齊先post

早兩日，終於的起心肝帶兩隻怪獸去游水，不過喺泳池無“手”影相，唯有喺屋企影啲水著look

睩睩件鮮紅火辣sexy比堅尼舊年已亮相過，仲啱著，今年有卜卜嘅鱷魚頭（絕對唔係老襯底）泳褲，型呀！

“卜卜細路，點解你著下半唔著上半嘅？？”

“卜卜細路，落水啦！”...喂，睩睩，未到泳池呀！

“Yo! 洗乜驚呀！”

睩睩喺屋企練水... 泡。

又早兩日，買咗個bb公仔俾睩睩

天生鍚bb嘅睩睩連bb公仔都咁鍚

媽咪餵大bb，睩睩餵細bb

家姐仔好公平㗎，餵卜卜bb食嘢...

再餵公仔bb食嘢

某日，津津表哥到訪

三表兄弟妹排排瞓

兩小無猜

daddy最鍾意用食物收買佢哋...

食雪糕，卜卜搶住嚟食，捉到daddy隻手實一實

睩睩當然唔輸蝕，擒上daddy到搶雪糕

公公扮韆鞦，fing呀fing呀

同婆婆都玩到癲晒！ 

知唔知睩睩點解癲癲哋？因為有個癲癲哋嘅daddy...

嘩！好驚嚇呀！

卜卜bb都開始癲癲哋喇，沖親涼都拍水踼水，整到周圍濕晒！

做乜睩睩卜卜一齊“木”咀嘅？

“提子乾好好味，你食唔食呀？”

post呢張相，純粹因為覺得睩睩笑得好甜！