呢段影片話我地知…睩睩好鍚daddy&媽咪
25/1/2009 睩睩 1 year 2 months 14 days, 卜卜 day 10
睩睩鬼鬼祟祟攞住啲乜嘢走埋去卜卜度呢?... "唔好嗌救命!" 睩睩掩住卜卜塊面說.
"襯無人見到, 係落手好時機... 劏咗卜卜先!"
玩吓啫! 睩睩不知幾錫卜卜... 錫錫!
卜卜同睩睩bb嗰陣一樣, 咁鍾意猜十五二十
收晒!
開晒!
daddy成日都好眼瞓... 唔通佢以為自己好似卜卜咁係bb, 要瞓二十個鐘?!
睩睩去完playgroup番到屋企, 第一時間去揾卜卜
睇吓卜卜隻手, 俾個樽蓋笠住咗... 又係衰daddy做嘅好事!
"咪影人哋瞓覺啦!" 卜卜整住對蘭花手嬌俏哋說
卜卜同媽咪傾傾偈, 談談心
23/1/2009 睩睩 1 year 2 months and 12 days, 卜卜 day 8
睩睩同卜卜相處咗一個星期, 暫時都唔見睩睩有呷醋嘅情況, 佢成日都想搞細路, 同細路玩, 工人姐姐話睩睩半夜聽到卜卜喊都會醒, 然後指住度門嗌"baby baby", 反而daddy就連卜卜喺正佢隔離喊都可以聽唔到, 照瞓!
有時怕睇唔切睩睩, 唯有調轉將卜卜放入圍欄, 攞晒啲玩具出嚟俾睩睩玩
"家姐家姐, 我就嚟跣晒入張被入面, 呌唔到氣... help!"
"唔洗驚! 等睩睩家姐拉番你上嚟啦!" 睩睩說.
睩睩大個女, 用花洒沖涼喇, 幾得戚!
卜卜細細個就乖乖自己攞住奶樽飲奶奶
睩睩食嘢有時曳到死, 睇佢成面糊仔! 因為含住啲糊仔唔吞, 然後一嘢噴晒出嚟! 仲喺度笑, 覺得好好玩... 玩死我哋!
卜卜仲有啲黃, 所以要晒太陽, 好在屋企咁啱西斜嘅啫!
睩睩攞住卜卜張被被都玩得一餐...
19/1/2009 睩睩 1 year 2 months and 8 days, 卜卜 day 4
卜卜喺 15/1/09 出咗世喇! 重3.22kg, 重過睩睩少少.
袁睩睩呢個blog亦將會改名為一卜一睩. 最初寫呢個blog 係諗住第日送俾睩睩嘅, 所以有卜卜之後都諗過係咪應該寫另一個blog送俾卜卜, 但係兩姊弟嘅生活又有乜可能分割開呢? 所以都係keep番一個blog, 希望佢地第日大個可以一齊繼續寫落去.
15號嘅朝早, 媽咪開始覺得有啲痛, 於是daddy即刻去買入院要用嘅bb尿片
睩睩真係好乖, 好好嘅家姐, 細細個人仔就幫手拎尿片, 睇佢個樣幾落力!
"哎... 終於攞到番屋企..."
同日下午, 啱啱出世嘅卜卜見大家喇!... 唔該晒Antia 姨姨, 睩睩同卜卜兩姐弟都係佢幫媽咪接生o架, thank you!
day 0, 仲喺產房入面, 卜卜出力睜開對眼同大家打個招呼!
產後第一餐: 义燒飯!
day 1 嘅卜卜
同日, 睩睩由daddy帶去playgroup, 嗰度有個bb公仔, 睩睩好鍾意餵佢飲奶奶
睩睩話練習定幫手湊細路喎!
不過睇睩睩抱bb嘅手勢, 我諗佢要去再培訓先得...
day2 瞓緊覺嘅卜卜
day 3
卜卜同daddy一樣, 有兩個轉o架!
9/1/2009 1 year 1 month and 29 days
呢日睩睩去咗佢番playgroup嗰度搞嘅運動會, 咁細個都有運動會, 幾勁!
睩睩幾cool!... 實情係呢日真係好cool, 凍到傻咗!
"daddy daddy 好凍呀!"
於是daddy就孵住睩睩, 幫睩睩保暖嘞...
"yeah! 精神晒!"
daddy呢招果然有效, 睩睩變番隻馬騮 lu!
嗰度有好多遊戲玩o架, 包括呢o架車車... 睇吓睩睩隻腳, 好似真係識玩咁款.
踢足球... 睩睩話佢要入呢球波喎...
睩睩梗係射入啦, 差啲連佢自己都入埋龍門添!
運波波... 睩睩話啲波波太大個, 佢手仔細細揸唔到, 揾埋塊面幫手先!
仲有玩咗好多遊戲, 玩到睩睩好攰, 番屋企途中, 睩睩瞓著咗呀! 呢隻馬騮好耐未試過咁樣瞓著o架喇!
早幾日, 睩睩個表哥仔喺我哋屋企寄居咗幾個鐘...
一齊玩 word cards
再玩食嘢... "我用塊包換你個蘿蔔吖!" 睩睩說.
嘩! 睩睩恃住自己地頭蝦表哥, 一拳打表哥塊面呀!... 姑媽姑丈唔洗驚, 角度光線問題啫, 睩睩只係幫表哥抺眼淚咋!
有相為証, 表哥仔一喊, 睩睩就會追住佢嚟抺眼淚o架喇!
