  |
  
|
31/5/09 睩睩 1yr 6m 20d, 卜卜 4m 16d
剛剛過咗嘅星期五係睩睩最後一日番多多嘅playgroup，睩睩都有啲唔捨得㗎
朝早媽咪番工之前同媽咪玩一陣先... 恤衫西裙番工look嘅媽咪，但啲動作成個低能婆
番學lu，最後一次上呢條樓梯... 睇呢幅相就知睩睩大個咗好多喇，由最初嚟嗰陣剛剛識行平路，到宜家唔洗人拖，自己扶住都上到樓梯。
未夠鐘上堂，喺waiting area 睇陣書先，似模似樣㗎！
上堂lu！最後一日，睩睩玩咗...
畫圖畫...睩睩已經儲儲埋埋一大堆傑作喇
“畢”珠珠... 呢啲係要嚟訓練小肌肉嘅
㩒顏色毛毛球過啲“窿窿”
用個波碌死啲恐龍，miss Nancy好有心機教睩睩啊！
睩睩玩到興起，襪都除埋
臨走前同幾位老師合照，多謝你哋呢半年嘅照顧！
卜卜bb好鍾意“卒”腳趾
哎吔，俾人發現咗添！
嘢... 咪影啦！
仲影?! 打你㗎！
其實卜卜無咁惡，係個好純良可愛嘅bb嚟㗎！
28/5/2009 睩睩 1yr 6m 17d, 卜卜 4m 13d
擒晚，daddy第一次同卜卜玩騎膊馬
卜卜唔知遊戲規矩，應該扶daddy啲頭髮家嘛，佢扶錯咗daddy個眼鏡，甩咗眼鏡點睇路呀？
吹脹塊面，俾睩睩當扶手！
睩睩家姐真係好錫細路㗎，點錫法？
錫pat pat 囉！..."邊個錫我pat pat？？" 卜卜說。
都係睩睩家姐玩得勁啲！又識扶實daddy啲頭髮... 梗係啦，睩睩已經有416日玩騎膞馬嘅經驗喇！（翻查記錄，睩睩第一次玩騎膞馬係喺5/4/2008，時間實在過得太快喇！）
27/5/2009 睩睩 1yr 6m 16d, 卜卜 4m 12d
擒日幫卜卜打四個月嘅第一支針（四個月大要打兩支！）呢個重任梗係由媽咪嚟啦！
卜卜俾姐姐夾住．．．“咩事呀？？”
BB 不宜觀看！
"Wear!!!!!!!!!"... oh...my dearest 卜卜，i'm sorry! 拮在你脾脾，痛在媽咪心！
連家姐都心痛到無眼睇．．．（家姐，你都有支歲半針等緊你呀！不過今次媽咪唔會自己出手lu，驚你記得．．．）
卜卜渣過家姐，今日有啲發燒（家姐係一啲反應都無㗎），燒到塊面紅卜卜，好在都好快無事，依然係個精靈bb！
24/5/2009 睩睩 1yr 6m 13d, 卜卜 4m 9d
卜卜呢幾日突然叻咗好多，唔洗扶都自己坐到一陣
兩隻手撑住！
當然，只得四個幾月嘅卜卜係會好似個葫蘆咁．．．碌低
家姐睩睩都驚卜卜碌低，坐係隔離“旁”住．．．
卜卜一想碌低就攬實佢，乖乖家姐
一連串卜卜相，純粹因為覺得卜卜好得意！
今日又去食tea buffet, 睩睩又食咗好多嘢啊！
睩睩唔肯用飲管，要學我哋就咁飲，不過又似模似樣，一滴都無瀉！
卜卜又係得個睇字．．．卜卜眼定定咁望住家姐，但美食當前, 睩睩就算平時幾錫細路，都唔理卜卜lu！
所以卜卜唯有瞓覺
擒日，去咗一個playgroup同學仔Marcus屋企玩，係佢生日，生日快樂！
一堆小朋友，坐定定咁乖嘅？．．．睇緊卡通片嘛！
幾個媽咪朋友
Marcus屋企嘅呢隻馬仔成為一個場景，家家都喺度影張靚相
吹完蠟燭，一堆小朋友湧埋去食蛋糕．．．睩睩一手飲水，一手攞定隻碟唔執輸！
例牌大合照！真係好大嘅合照呀！
20/5/2009 睩睩 1 yr 6m 9d, 卜卜 4m 5d
近來睩睩同卜卜都好似大得好快，睩睩變咗隻copycat, 經常重覆人哋講嘅最後嗰個字；識得用個“no”字之後發覺呢個字十分好用，成日一唔鍾意就“no! no!”；又濫用佢嘅香吻，叫親人做嘢都一定鍚你幾嗒先，等你無得反抗．．．卜卜都轉到一半身喇，又成日同人傾偈．．．
卜卜bb大個仔，男子漢大丈夫，抬起頭做人！
有時man得滯，個樣有啲惡死．．．
睩睩家姐更係唔驚佢啦！睩睩超人死光！
卜卜開始食糊仔喇，食得好叻叻㗎！
卜卜食糊仔食得好地地，家姐話俾個番茄佢撈糊仔，好味啲喎！
希望卜卜好似家姐咁為食，但係唔好好似家姐咁有‘儀態’啦！邊有人食Kinder 嘅Hippo choco bar 係用手去撩入面啲朱古力㗎？！仲用嚟幫隻腳做mask！
食完朱古力後變咗乞兒睩睩
上星期五晚我哋去咗playgroup同學仔ManTung 屋企玩，好多小朋友一齊，好熱鬧！好好玩！
同Angus 哥哥交換波波．．．“好似個藍色波波襯你多啲，個粉紅色襯我多啲喎！”
ManTung 姐姐一手一個玩具，睩睩就只顧住食食食
大合照，其實仲有啲daddy同工人姐姐未入鏡，真係好熱鬧呀！星期六又開party喇！yeah！
星期五忙完後，星期日又有幾個姨姨同bb嚟探我哋，晴晴姐姐同柏柏di di都大個咗好多呀！啲姨姨好有媽咪心，知道媽咪係雪糕怪都不約而同買雪糕俾媽咪，開心死（兼肥死）媽咪！多謝Sonia姨姨送俾卜卜嘅衫仔，好靚好醒目，不過著咗一陣就俾卜卜啲嘔奶奶整污糟咗lu！
11/5/2009 睩睩 1yr 6m, 卜卜 3m 26d
尋日母親節，daddy喺媽咪仲瞓緊覺嘅時候同睩睩去咗公園玩．．．
睩睩自己“sir”滑梯，幾叻！．．．睇daddy個樣，好似佢玩得仲興奮！
喺公園玩完之後，睩睩襯媽咪一去完梳洗，送上一個母親節驚喜．．．朱古力玫瑰花花！
送完之後自己都拍手讚自己乖乖！又真係好乖好扺錫喎！
卜卜bb都一樣好乖，不過未識行，要瞓住嚟送，一樣咁sweet！
睩睩好乖㗎，去完街街識擺好對襪喺鞋入面．．．
想去街嗰陣又會自己走去著鞋，然後同人講拜拜！
母親節睩睩厚待媽咪，影影吓相都扯媽咪嚟錫！
中午開始正式慶祝節目，好多人一齊啊！淨係媽咪都有五個：婆婆，嫲嫲，舅母，姑媽同媽咪．．．再加四個bb，五個daddy．．．十分熱鬧！首先去飲茶，但酒樓人太多，嚇到睩睩變咗隻鵪鶉．．．
攬住媽咪唔放．．．
於是daddy帶佢去行街街，無端端又買多件玩具彈彈羊，彈彈吓咁番嚟。
然後一齊番屋企玩．．．
大頭卜卜
舅父同大頭卜卜玩飛
於是daddy又同番瑧瑧表哥玩飛．．．不過瑧瑧表哥四十幾磅，足足係卜卜嘅三倍！
瑧瑧表哥同睩睩有樣嘢好似，就係兩個都咁為食！
襯睩睩家姐掛住食嘢，同卜卜玩吓隻彈彈羊先！
呢個係媽咪整嘅母親節蛋糕：豆腐mousse cake加勁厚燕窩面！
嘩！好多人，好熱鬧！
津津表哥要走先，睩睩送上甜甜goodbye kiss一個！
今日，11/5/2009，係睩睩歲半生日
呢個係媽咪整嘅濃濃朱古力蛋糕，上面寫住 1.5
點解卜卜咁開心嘅？以為係佢自己生日？
為食睩睩心急到枱都就嚟俾佢㩒爛
“無晒！”
某日，唔知卜卜做錯啲乜，睩睩罰佢頂波波．．．好可憐
又某一日，睩睩去冒險樂園，見到人哋玩保齡球睇到唔願走，於是就玩咗佢人生第一次嘅�冒冒保齡喇！
