  |
  
|
23/6/2009 睩睩 1yr 7m 12d, 卜卜 5m 8d
睩睩家姐真係一個乖女，年紀細細已幫手做家務，仲識得一邊做一邊聽歌！p.s. 佢話驚整污糟隻腳，所以著住daddy對襪嚟掃地．
睩睩做家務聽得歌多，發現到好嘢，於是介紹俾卜卜，“細路，呢首歌正呀！”
“噫！真係幾好聽喎！”卜卜說．
細路卜卜竟然見有好嘢就搶，真大胆... 因為搶家姐嘢係無好結果㗎...
嗱嗱嗱，係咪呢？... "家姐，對唔住呀！我以後唔敢喇！你想推我去邊呀？唔好攞我去賣呀!!"
"呀!! 媽咪救命呀!!"
睩睩食包包食得幾陶醉！
睩睩宜家食包包係有佢嘅食法嘅... 佢會首先食咗包面嘅芝士，然後食穿一個𠾐，再“liu”入面條芝士嚟食... 搞到個包變成咁
望住daddy個薯餅，睩睩隻眼發光！
抱一個拖一個！媽咪 is the queen of the world!!!
12/6/2009 睩睩 1yr 7m 1d, 卜卜 4m 28d
三日前，六月九日係公公六十歲大生日，我哋去食晚飯慶祝
咁樣食嘢真係有啲難度，係睩睩咁為食先得
公公生日更係要同公公影下相，但係媽咪好繁忙地同瑧瑧表哥玩追，唔得閒哦
睩睩襯公公影緊相無防範之下玩襲擊
全家福，瑧瑧表哥影到唔耐煩，要搞吓舅母
公公婆婆爺爺嫲嫲點解淨係同卜卜bb影相嘅？
因為睩睩同瑧瑧兩隻識跑嘅怪獸掛住玩囉！
期待佢哋識得自己玩好耐喇！追嚟追去就好好玩㗎喇，睇見佢哋都開心！
卜卜bb未識行無得一齊玩，同公公玩都好似幾開心吖！連公公都好似好開心喎！
睩睩真係好錫卜卜，無論玩緊或食緊嘢，佢都會無端端走埋嚟攬攬細路
錫錫嘴嘴
頭都錫埋！
切完蛋糕同公公影張相，瑧瑧又喺度古靈精怪
同埋壽包蛋糕一齊合照！祝公公身體健康，事事如意！
12/6/2009 睩睩 1 yr 7m 1d, 卜卜 4m 28d
首先玩個認腳腳遊戲
邊對腳腳係睩睩，邊對係卜卜嘅呢？．．．估中請你聞一下臭腳！
玩玩吓，睩睩發現卜卜好似暈咗．．．
唔洗驚！睩睩家姐喺度，幫卜卜心外壓急救！
卜卜話鴨鴨pat pat好好味！
“wear！鴨鴨走甩咗！！”
請大家數吓睩睩有幾多個下巴？
卜卜見上次家姐下cat walk下得咁開心，佢未識行都要擺番個高難度甫士影相喎
早兩日同睩睩去baby gym, 睩睩好鍾意，玩平衡木玩得似模似樣！相信睩睩有啲運動細胞
又早幾日，網友savin姐姐嚟探睩卜，savin姐姐好好人，探佢哋之餘仲親手整咗兩個好得意嘅髮夾俾睩睩．．．
有可愛蘋果．．．
仲有靚靚花花...仲有仲有，仲有睩睩歎緊嘅波板糖！多謝晒savin姐姐！
最新短片三則
傻婆睩睩
超長氣睩睩同爺爺講電話，唔知講乜可以講咁耐
又一個短片證門睩睩幾長氣！
7/6/2009 睩睩 1yr 6m 27d, 卜卜 4m 23d
睩睩話要行個cat walk俾我哋睇，show吓佢條靚靚新裙
幾有model feel, 幾嬌俏！
嘩！！搞乜呀super model?
玩開有癮，家姐又想著新衫行cat walk...
點知著錯卜卜件衫，仲卡住咗添！
救命！除唔到！
pee-a-....
BOO!
睩睩真係好鍚細路，連腳都唔放過！
鍚完再用卜卜對腳嚟洗頭
“洗頭？一腳踼開你！”卜卜說．．．哎吔，俾爺爺影到添！
係啦，君子動口不動腳吖嘛，鍚吓腳趾，啜吓手巾咪算囉！起腳唔啱㗎！
睩睩好留心地講緊電話
喂，你影乜呀？唔見我講緊電話咩？
表舅父同準表舅母到訪，睩睩一見到“陌生人”即刻變咗鵪鶉，迎賓任務就交俾我哋嘅親善大使卜卜喇！
4/6/2009 睩睩 1yr 6m 24d, 卜卜 4m 20d
擒日, 媽咪忽發奇想要自己搓湯圓食, 順便可以俾睩睩玩吓
睩睩好專心地聽媽咪教點樣搓粒湯圓
可惜睩睩知道媽咪整嘅係麥提莎湯圓, 所以佢搞破壞...
"粒麥提莎要嚟就咁食仲好啦!" 睩睩說.
睩睩要食咗粒麥提莎, 咁佢仲可以搓乜嘢湯圓呢?... 一陣揭曉
媽咪整嘅湯圓同俾睩睩玩嘅粉團
睇到嘛?? 睩睩就係搓呢兩條毛毛蟲出嚟喇!... 都幾好味o架!
五星伴毛毛蟲
卜卜bb睇到都"lam lam"脷!
整定口水肩添!...咪傻啦傻卜卜, 無你份呀! 你都無牙食, 仲笑得咁開心做乜?
除咗搓湯圓, 仲有乜嘢玩呢?... 大把啦!
嘩! 餓鬼睩睩連個櫃都唔放過!
玩飛天...
再遁地... 睩睩會一路爬, 一路講住"爬, 爬, 爬..."
玩daddy..."去呢邊... 唔係, 去嗰邊!"
"即係去邊呀, 大小姐?" daddy說.
同埋爺爺嫲嫲, 細路卜卜一齊玩!
今日, 媽咪又操剪幫睩睩剪頭髮, 媽咪覺得自己可以轉行呀!
係咪唔錯呢? 睩睩都好滿意, 猛話"靚靚..."
2/6/2009 睩睩 1yr 6m 22d, 卜卜 4m 18d
落咗幾日雨，擒日天朗氣清，於是我哋去咗西九行吓
未出發，先興奮！
睩睩無諯諯要坐車車，心急到一腳踩落去．．．okok，俾你坐囉．．．
睩睩坐車車，daddy媽咪同成日都笑到好似個傻佬嘅卜卜影維港靚景．．．
“影咁耐嘅..."
"影到幾時呢？？”
“悶死人喇！”
好啦好啦，一齊影
睩睩話daddy媽咪掛住影相好悶，索性自己推細路去玩．．．去邊？
梗係睩睩至愛嘅韆鞦啦！兩姐弟，一個韆鞦，分甘同味！
um...都係分開玩刺激啲
卜卜bb細細個都玩得好開心，一啲都唔驚！
“喂，高啲呀唔該！”卜卜說
睩睩家姐當然玩得興奮！
近來愛扮大人嘅睩睩已經不甘困喺個bb韆鞦，要玩大人韆鞦lu
同媽咪一齊玩
一家四口擘大口一齊玩
玩夠喇，番屋企lu！
