  |
  
|
29/7/2009 睩睩 1yr 8m 18d, 卜卜 6m 14d
睩睩對佢嘅長頭巾look似乎十分滿意，成日都攬住條巾周圍走
卜卜bb嘅短頭巾lood都唔錯啊！有型又靚仔！
某日，睩睩攞咗bb嗰支水，然後話佢自己係baby，攞嚟啜啜啜扮bb
扮扮吓佢自己都忍唔住笑
其實卜卜已經大個咗好多，近來已經可以自己坐得穏，仲可以坐high chair 添喇！
咦，呢舊乜東東嚟㗎？
可以自己坐high chair，卜卜都好開心啊！
坐定定，食餅餅！
食完糊仔飲啲水，飲到“木”晒嘴...
睩睩戴咗爺爺條呔，著住daddy對鞋，跟住話go to work喎... 真係可憐，咁細個就要做嘢幫補家計
多咗三粒銷魂癦嘅睩睩
睩睩唔係喺度跳緊舞，佢喺度嚇緊媽咪呀！...佢學我哋嚇佢嗰個樣，但又學得半桶水，結果變成咁，對住佢呢個咁搞笑嘅動作，難為媽咪仲要扮驚驚
似乎佢呢個受驚嘅樣仲嚇人！
15/7/2009 睩睩 1yr 8m 4d, 卜卜 6 months!
今日係卜卜嘅半歲生日...
我哋買咗個靚靚蛋糕同佢慶祝，呢輪媽咪太忙喇，無時間整lu
卜卜見到都好開心啊！！
仲伸晒脷，流晒口水.. "食得未呀？”卜卜說
一件蛋糕，一家四口分，更好味！係呀，卜卜bb半歲都有份食㗎喇！同家姐一樣，喺半歲大今日都幫卜卜整咗手模腳模，等收貨後連埋家姐嗰個一齊先post
早兩日，終於的起心肝帶兩隻怪獸去游水，不過喺泳池無“手”影相，唯有喺屋企影啲水著look
睩睩件鮮紅火辣sexy比堅尼舊年已亮相過，仲啱著，今年有卜卜嘅鱷魚頭（絕對唔係老襯底）泳褲，型呀！
“卜卜細路，點解你著下半唔著上半嘅？？”
“卜卜細路，落水啦！”...喂，睩睩，未到泳池呀！
“Yo! 洗乜驚呀！”
睩睩喺屋企練水... 泡。
又早兩日，買咗個bb公仔俾睩睩
天生鍚bb嘅睩睩連bb公仔都咁鍚
媽咪餵大bb，睩睩餵細bb
家姐仔好公平㗎，餵卜卜bb食嘢...
再餵公仔bb食嘢
某日，津津表哥到訪
三表兄弟妹排排瞓
兩小無猜
daddy最鍾意用食物收買佢哋...
食雪糕，卜卜搶住嚟食，捉到daddy隻手實一實
睩睩當然唔輸蝕，擒上daddy到搶雪糕
公公扮韆鞦，fing呀fing呀
同婆婆都玩到癲晒！
知唔知睩睩點解癲癲哋？因為有個癲癲哋嘅daddy...
嘩！好驚嚇呀！
卜卜bb都開始癲癲哋喇，沖親涼都拍水踼水，整到周圍濕晒！
做乜睩睩卜卜一齊“木”咀嘅？
“提子乾好好味，你食唔食呀？”
post呢張相，純粹因為覺得睩睩笑得好甜！
11/7/2009 睩睩 1yr 8m, 卜卜 5m 26d
傻佬卜卜因乜事笑得咁開心？
無乸乸又縐晒眉頭... 諗緊乜呀？
“我諗緊個市呀！嫲嫲，快啲一齊睇吓啦!... 哎吔，跌咗少少呀！”
當卜卜bb唔得閒同家姐玩嘅時候，睩睩都自得其欒...
玩碌地沙，係咁碌嚟碌去都可以玩一餐
估吓睩睩係度做緊乜?... 跳緊近來好hit嘅daikin舞啊！
睩睩要daddy同佢玩"嗚...喳", 但又要猛話“驚驚”（做埋手勢添㗎！）...扮晒嘢啦睩睩，你明明胆生毛家嘛（除咗面對陌生人嘅時候），鬼信你驚驚！
卜卜bb俾我哋放咗入玩具箱，變咗個玩具
其實就算卜卜唔係喺玩具箱，相信對睩睩嚟講，呢個識郁識叫嘅卜卜，一向都係佢最可愛最好玩嘅大玩具！
某日同睩睩落街，佢突然發現自己個影，對佢好有興趣，係咁指住追住個影
某日，睩睩同媽咪一齊打羽毛球雙打..."睩睩呀！咪掛住影相，集中精神啲啦唔該！”媽咪說
睩睩打完羽毛球，仲有daddy同佢玩跳羊咩，見daddy跳得咁辛苦，睩睩送上情深香吻一個！sweet sweet!... 咁daddy同卜卜bb玩乜呢？
daddy玩扮梳化呀！卜卜bb坐得幾歎! 連daddy都好似坐得好舒服喎，一齊歎住睇電視！
2/7/2009 睩睩 1yr 7m 21d, 卜卜 5m 17d
喺屋企踢波波係我哋成日玩嘅玩意，睩睩玩親都好開心！
雖然佢識踢，但佢只鍾意daddy抱住佢嚟玩，可能刺激啲啩．
卜卜bb睇到眼定定...
抱埋卜卜bb一家四口一齊玩！
“呢隻嘢係乜嚟嘅呢？...顏色咁靚，一定..."
"好好食！食嗒試吓先！”...嘩！蝴蝶係唔食得㗎卜卜！
無蝴蝶食，咁影張靚相啦！
“卜卜細路，有乜咁興𡚒呀？？”
睩睩卜卜平時好得意，但有時都幾型幾cool㗎
cool卜卜，縐住眉頭撐晒手腳坐到成個大佬咁
cool睩睩，戴住副超，型爆！
