16/12/2009 睩睩 2yr 1m 5d, 卜卜 11m 1d

近來一叫親睩睩happy face, 佢就整個面目猙獰嘅樣俾我哋，各式各樣嘅怪獸樣都有，就係無正常嘅笑笑樣

攞住auntie Winnie嘅聖誕禮物，呢個怪獸樣，算係比較“正常”

開始變身....

"wow~~~"

嘩！係睩睩最愛嘅elmo呀！開心到又變怪獸，多謝auntie Winnie!

怪獸發癲！非同小可！... RUN!! 

聖誕怪獸！

攞住食物嘅辮子怪獸！

“AH~~~ 死喇！點解俾人影咗咁多怪獸相㗎！ ”

係咪衰呢，明明正正經經嗰陣都算係個幾可愛嘅細路女，係要搞到自己咁樣，抵俾人影！

近來媽咪鍾意講故仔俾睩睩聽

睩睩都好似聽得幾開心！

daddy都話要講俾睩睩聽....um...你哋話daddy講得好唔好聽呢？

細路乖啲喎！自己睇書... 嘩！仲要係啲連媽咪都唔係好睇得明嘅書呀！勁！

細路BB好鍾“捐”喺枱底玩，不過就快撞到頭lu

2010年最潮bb造型！

2010年最潮怪獸造型！

剛瞓醒嘅癲婆睩睩... 仲瞓！番學遟到喇！

“飛呀！飛呀！飛呀！....快啲快啲...”

5/12/2009 睩睩 2yr 24d, 卜卜 10m 20d

近呢幾日天色晴朗, 天氣又清涼, 真係無乜節目好得過去公園野餐, 跑吓跳吓, 而且咁好嘅天氣喺香港一年都無幾多日, 一定要好好珍惜, 玩晒佢! 今次又係去廸欣湖, 雖然成日去, 但都係鍾意去, 又靚, 又有睩卜最愛嘅韆鞦, 又有大草地可以野餐同碌嚟碌去.

今次踩埋四輪車, 唔知點解睩睩好鍾意揸車, 一見到圓形類似軚盤嘅物體就話要揸車, 成個男仔咁.

喺度野餐真係好舒服, 如果日日都係咁嘅天氣就好喇!

咦! 有人偷嘢呀!!

大草地中的一粒睩睩... 好鍾意呢片草地, 令人心曠神怡~

最初擺卜卜落草地時佢好驚呀, 唔想掂啲草, 唔敢爬...

見無人救, 終於勇敢爬出第一步!

後來唔驚喇, 同家姐齊齊瞓, 睩睩好歎喎~!

媽咪俾兩隻怪獸襲擊呀! HELP!!

廣闊嘅草地, 夠我哋四個一齊碌地沙! 不過只限平日, 星期六日呢度多人到曝o架!

卜卜練習行路, 佢話草地零舍好行!

成個公園, 得呢棵樹開晒花, 好靚!! 因為生呢兩隻怪獸, daddy媽咪自從蜜月之後都無去過旅行, 又唔捨得擺低佢哋自己去... 出年! 計畫出年等卜卜都識行之後, 一定帶埋兩隻嘢去旅行, 媽咪想去日本睇櫻花, 呢棵樹已經咁靚, 密密麻麻嘅櫻花一定十分十分十分靚!

卜卜: 去嗰吖唔該

卜卜想去打韆鞦呀! 兩姐弟都咁鍾意玩呢樣嘢, 高一高都唔怕

仲有幾耐可以玩孖鞦呢? 唔好咁快得唔得?

睩睩足兩歲, 番nursery喇!

揹住個書包... 睩睩: 好似差啲嘢咁嘅?

hehe, 諗到!

差套校服囉!

卜卜: 哈哈哈! 好開心, 家姐番咗學我就可以霸晒個波波池, yeah!