近來一叫親睩睩happy face, 佢就整個面目猙獰嘅樣俾我哋，各式各樣嘅怪獸樣都有，就係無正常嘅笑笑樣
攞住auntie Winnie嘅聖誕禮物，呢個怪獸樣，算係比較“正常”
開始變身....
"wow~~~"
嘩！係睩睩最愛嘅elmo呀！開心到又變怪獸，多謝auntie Winnie!
怪獸發癲！非同小可！... RUN!!
聖誕怪獸！
攞住食物嘅辮子怪獸！
“AH~~~ 死喇！點解俾人影咗咁多怪獸相㗎！ ”
係咪衰呢，明明正正經經嗰陣都算係個幾可愛嘅細路女，係要搞到自己咁樣，抵俾人影！
近來媽咪鍾意講故仔俾睩睩聽
睩睩都好似聽得幾開心！
daddy都話要講俾睩睩聽....um...你哋話daddy講得好唔好聽呢？
細路乖啲喎！自己睇書... 嘩！仲要係啲連媽咪都唔係好睇得明嘅書呀！勁！
細路BB好鍾“捐”喺枱底玩，不過就快撞到頭lu
2010年最潮bb造型！
2010年最潮怪獸造型！
剛瞓醒嘅癲婆睩睩... 仲瞓！番學遟到喇！
“飛呀！飛呀！飛呀！....快啲快啲...”
]]>
近呢幾日天色晴朗, 天氣又清涼, 真係無乜節目好得過去公園野餐, 跑吓跳吓, 而且咁好嘅天氣喺香港一年都無幾多日, 一定要好好珍惜, 玩晒佢! 今次又係去廸欣湖, 雖然成日去, 但都係鍾意去, 又靚, 又有睩卜最愛嘅韆鞦, 又有大草地可以野餐同碌嚟碌去.
今次踩埋四輪車, 唔知點解睩睩好鍾意揸車, 一見到圓形類似軚盤嘅物體就話要揸車, 成個男仔咁.
喺度野餐真係好舒服, 如果日日都係咁嘅天氣就好喇!
咦! 有人偷嘢呀!!
大草地中的一粒睩睩... 好鍾意呢片草地, 令人心曠神怡~
最初擺卜卜落草地時佢好驚呀, 唔想掂啲草, 唔敢爬...
見無人救, 終於勇敢爬出第一步!
後來唔驚喇, 同家姐齊齊瞓, 睩睩好歎喎~!
媽咪俾兩隻怪獸襲擊呀! HELP!!
廣闊嘅草地, 夠我哋四個一齊碌地沙! 不過只限平日, 星期六日呢度多人到曝o架!
卜卜練習行路, 佢話草地零舍好行!
成個公園, 得呢棵樹開晒花, 好靚!! 因為生呢兩隻怪獸, daddy媽咪自從蜜月之後都無去過旅行, 又唔捨得擺低佢哋自己去... 出年! 計畫出年等卜卜都識行之後, 一定帶埋兩隻嘢去旅行, 媽咪想去日本睇櫻花, 呢棵樹已經咁靚, 密密麻麻嘅櫻花一定十分十分十分靚!
卜卜: 去嗰吖唔該
卜卜想去打韆鞦呀! 兩姐弟都咁鍾意玩呢樣嘢, 高一高都唔怕
仲有幾耐可以玩孖鞦呢? 唔好咁快得唔得?
睩睩足兩歲, 番nursery喇!
揹住個書包... 睩睩: 好似差啲嘢咁嘅?
hehe, 諗到!
差套校服囉!
卜卜: 哈哈哈! 好開心, 家姐番咗學我就可以霸晒個波波池, yeah!
]]>
上星期日，我哋同埋auntie Winnie, uncle David, Angus 哥哥去咗山頂玩。
我哋一早去到歎個豐富早餐，Angus哥哥仲請睩睩食佢自已至愛嘅藍莓添！
去公園玩，三個小朋友排排坐，好得意！
喺公園玩完之後，我哋再周圍行吓，睩睩行到攰攰哋，要飲嗒水... 飲到咁嘅樣
玩完成個上晝，番屋企lu! 三個小朋友喺車度都玩得好開心！
臨走前睩睩送一個goodbye hug俾 auntie Winnie
當睩睩想送個goodbye hug俾 angus哥哥時，angus 哥哥竟然調頭走，俾檸檬睩睩食
除咗同朋友仔出去玩，平時喺屋企有乜好做呢？
家姐話只要攬住細路，齋坐都好開心喎！睇吓家姐笑得幾高興！
排排企睇elmo
卜卜好努力地學行，應該唔洗幾耐就行到喇！
點解細路BB出嚟出去都係得兩隻牙仔嘅？
卜卜話自己無牙佬，無面見人... 傻bb嚟嘅...
唔去山頂咁遠，都可以落樓下公園玩吓嘅
細路BB好鍾意出街，落樓下玩吓都咁開心... 不過樓下風大，戴番頂帽先！
兩姐弟一齊"sir"滑梯
]]>
11/11 係睩睩兩歲生日，我哋喺8/11為睩睩開咗個生日會。其實去年幫睩睩開咗個一歲生日會之後，本來打算今年唔開㗎喇，但睩睩喺近生日呢一兩個月，成日喺度唱happy birthday to Luk Luk, 又扮吹蠟燭，切蛋糕，好似好開心咁，於是都係開咗呢個生日會，揾多啲人嚟陪佢開心，所以喺度十分多謝所有嚟陪佢開心嘅人！Thank you!
婆婆咁鍚睩睩，梗係會一早到啦！
仲有嫲嫲... 咦！咁爺爺同公公呢？
佢哋忙於做攝影師囉！
睇吓！爺爺瞓晒身咁影呀！
呢日影咗好多好多好多相，除咗爺爺公公，仲有Cody哥哥（可惜佢無上鏡），多謝晒！
生日會當然唔少得波波，卜卜BB都攬住唔放！但daddy好驚波波㗎，奉daddy旨意，波波唔可以吹得太大
睩睩當然都好鍾意呢啲色彩繽紛嘅波波
兩個都係十一月生日嘅合照
睩睩手中無波，daddy先同佢玩～
呢三位姐姐係媽咪嘅好朋友﹠好幫手！Thx!
Chloe妹妹好得意，一啲都唔怕陌生人，四圍撩人玩，好可愛！
thank you to auntie Janice, Uncle Gavin and Aidan! Aidan哥哥玩到鞋都除埋
網友仔瀅瀅姐姐同瀅瀅媽咪一早就到，多謝你哋嚟陪睩睩過兩歲生日！
媽咪本來好抗拒扮公主嘅飾物，但呢個毛毛頭飾又幾可愛，唔似扮公主，津津表哥都好似幾鍾意睩睩呢個look喎～
時間過得快得好恐佈，轉眼媽咪識咗auntie Rachel & auntie Sonia 已經十幾年，大家都有BB趁嫩生，廿歲出頭就各自有BB，呵呵呵！thank you 栢栢弟弟同晴晴姐姐！
仲有Mento, 琳琳，Marcus, Brian, Angus, thank you!
當然唔少得好鍚睩睩嘅舅父舅母同臻臻表哥！
睩睩呢條裙仔係媽咪專登買㗎，靚靚一條裙仔，襯喺粗魯嘅睩睩上，另類style！
無論可時可地，即使喺咁擠迫嘅環境下，睩睩都唔會放過鍚卜卜嘅機會
呢個生日蛋糕係媽咪自已整㗎，上面寫住“睩睩﹠媽咪，HAPPY BIRTHDAY”
睩睩十分認真地許願，認真到連卜卜都覺得好笑呀！
吹蠟燭，生日快樂！
一家四口一齊切蛋糕
當然唔少得大合照！
多謝晒咁多位送嘅生日禮物！睩睩話全部都好鍾意呀！
11/11/2009 睩睩正日生日，我哋去咗海港城行街，去Dan Ryan's 食嘢，然後再番屋企切蛋糕
睩睩好鍾意玩冒險樂園嘅保齡，可惜咁啱壞咗，唯有揸住車先，好再睩睩似男仔，鍾意揸車
再去買對新鞋仔，鮮紅色係睩睩自已揀嘅，睩睩：靚靚！
之後行玩具反斗城，卜卜好鍾意同家姐搶嘢，佢本來唔肯坐車車㗎，但一見家姐坐佢又即刻要爭嚟坐，睇吓家姐俾佢迫埋咗一邊～
最後要一人一車... 但係卜卜坐唔夠一陣又唔肯坐，要抱lu
玩具反斗城嘅收獲，睩睩嘅至愛elmo波波
卜卜當然有份，如果唔係實爭咗睩睩嗰個
喺Dan Ryan's食飯，食飽之後梗係玩啦
睇吓睩睩啲頭髮！
番屋企切蛋糕！呢個都係媽咪為睩睩整嘅生日蛋糕，上面嘅蠟燭都係專為Lukluk而設
又有生日蛋糕切，好開心，happy face!
同埋爺爺嫲嫲一齊慶祝，但兩隻怪獸淨係掛住個蛋糕
又可以許願喇，祝睩睩所有所有願望都成真！
吹蠟燭！
強吻番一大嗒先！睩睩同媽咪揸住嘅係daddy 媽咪送俾睩睩嘅生日禮物，同舊年一樣，我哋送一張生日咭，等睩睩大個可以睇番
仲有爺爺嫲嫲送嘅利是
今日足兩歲，大個女，自己切蛋糕喇！
睩睩一貫嘅粗魯野蠻人食相
唔通真係咁樣食會開心啲?!
睩睩，daddy媽咪祝你健康快樂！每日每刻都開開心心，笑到見牙唔見眼！
]]>
近來成日都好忙, 好多活動, 忙到update個網嘅時間都少咗...(嘻嘻, 好大個藉口~)
25/10 我哋同一班朋友仔去馬灣嘅挪亞方舟玩, 嗰度係一個好地方, 有靚景又有好多嘢睇, 由我哋屋企去又算方便, 不過我哋去嗰日喺星期日, 多人到不得了! 揾日閒日再去過慢慢行.
剛到步嚟張大合照, 八個大人, 五個bb, 再加三個工人姐姐, 人多勢眾!
山長水遠嚟到, 梗要影番張到止一遊... 咦, 多咗個女?... 係人哋個女
兩位小姐都睇中個搖鼓... 3, 2, 1 搶喇!
卜卜玩到攰攰哋, 玩扭計
嘩! 有人偷走兩隻怪獸呀!
除咗媽咪之外, 邊有人會要呢兩隻怪獸吖?!
同咁多bb去玩, 一定有好多等待時間, 個個輪到嚟換片, 飲奶... 亦因為咁, 同有bb嘅人一齊玩係最好嘅, 因為大家會互相明白, 唔會嫌麻煩.
喺其中一個等耐時間, 睩睩發咗癲哋跑嚟跑去, 大大話話跑咗一百幾十轉, 唔知點解咁樣跑都可以玩餐飽!
跑完再玩攀石
卜卜b都好想玩, 見到家姐玩佢都會笑埋一份, 可惜佢未識行, 唯有乖乖坐喺媽咪度影相.
見卜卜俾媽咪捉住影相咁慘, 家姐即刻走嚟陪細路, 卜卜: 喂, 小心啲, 咪跌親呀!
臨走前, 幫隻方舟留影.
之後一日, 26/10, 去廸欣湖, 約咗一啲網友, 可惜我哋打錯算盤, 嗰日多人到連間7仔都無晒嘢食賣, 我哋唯有早走番屋企揾嘢食俾兩隻怪獸.
卜卜有時都幾靚仔啊! 哈哈!
古惑仔
睩睩: 細路, 天氣咁熱, 不如跳落去游水囉!
卜卜: 好吖, You jump, i jump!
跳落去就唔好喇, 玩吓水就一定得!
喺呢度, 睩卜次次都玩得開心, 不過天氣開始涼, 可能下年先可以再玩水lu!
28/10, 一朝早, 天氣清涼, 睩睩話要教卜卜踩三輪車
喇, 隻手放呢度...
點知卜卜無心機聽, 呵~欠~ 好眼瞓
嘻嘻~ 唔好意思呀家姐
家姐話費事嘥口水, 推卜卜好過喎
31/10去朋友仔搞嘅halloween party, 我哋買咗啲好簡單嘅應節衫, 真係應吓節算喇, 著得嗰一次, 費事嘥錢.
係就係簡單啲, 不過呢隻batgirl都幾得意吖... 哈哈哈! 我係batgirl, 細路你驚唔驚呀??
卜卜: 驚你個頭, 搶埋你個面罩添呀!
某日, 家姐有蝦餅食
十分為食嘅卜卜見到梗係又想食
想食我個餅餅??...你 諗都唔好諗呀, 諗壞你個腦呀! #&%#$ (設計對白 )
近排實在好忙...
攰到一大一細喺梳化"灘C"
卜卜平時最鍾意扶住呢個櫃, 企正電視機前睇電視, 遲早大近視!
睩睩就喇叭當櫈坐
呢隻貴婦狗幾靚! 係睩睩同daddy媽咪嘅合作製成品!
]]>
睩睩食粟米，食得好狂野
好好味啊！舊粟米咁大，唔擘大啲嗰口點食喎？
睩卜一齊洗白白
家姐，我想用呢支嘢沖涼呀！
家姐好錫細路，幫細路洗頭，用手... 仲用埋條脷
細路又乾淨又乖，家姐錫錫
睩睩係咁拍水，卜卜淨係掛住玩支沐浴露
好好玩啊！幾時再可以一齊洗白白？
]]>
睩睩宜家番緊嘅playgroup, 媽咪幾鍾意，老師好有心機又lead得好，上課內容設計得有心思又靚。呢隻鴨鴨就係睩睩同媽咪合力嘅製成品喇！
鴨鴨拍翼飛呀飛！不過有無發覺呢隻鴨鴨係坐住嚟飛呢？唉... 睩睩最近變咗跛腳鴨，上星期一，睩睩喺公園玩跌親，到宜家呢隻鴨鴨都未肯行，可能仲係有啲驚，都唔知要到幾時，佢先會變番平時嗰隻超級活躍，跑跑跳跳嘅怪獸。
為咗等佢郁多啲，我哋專登買咗個波波池，等佢喺入面踢吓啲波波
咦，呢間乜嘢嚟嘅呢？
”捐“入去睇吓先
啲波波好得意呀！
細路BB快啲入嚟一齊玩！
睩睩卜卜都好鍾意呀！
可憐的受了驚的睩睩
]]>
剛過去嘅星期日，我哋同公公婆婆舅父舅母同臻臻表哥去小白鷺食飯，當中秋做節同埋同舅母慶祝生日
公公幫手餵卜卜食嘢...
然後舅父又幫手餵公公食嘢... 中餵大，大餵細，好温馨啊，呵呵
舅母生日，梗係要有生日蛋糕啦！
食完嘢又去玩羊仔，臻臻表哥餵啲羊仔食草，卜卜都好好奇要摸吓佢哋；反而睩睩無端端驚咗啲咩咩，都唔知點解
啱啱有人喺隔離行完婚禮，臻臻同睩睩喺嗰度跑嚟跑去... 好得意... 唔知睩睩幾時會嫁呢？
又去玩彈床，今次仲有臻臻表哥同卜卜。不過卜卜唔係好敢郁，淨係坐喺度睇人玩
睩睩真係好鍚細路，明明玩緊咁好玩嘅彈床都要走去鍚吓細路
有個咁鍚自己嘅家姐，卜卜當然開心啦！
睩睩話玩到好攰呀！
嘩！個樽好重呀！
睩睩表演...
JUMP!
仲有睩睩舞
時間：某日下午 地點：超級市場
]]>
啱啱過咗嘅星期日我哋去咗赤柱，真係唔識死，大熱天時係都要去街
太陽伯伯實在好熱情，我哋去到就即刻揾間餐廳坐坐，抖抖涼... 間餐廳都幾照顧周到，有蠟筆俾小朋友玩，不過面對美食，睩卜又點會對啲筆有興趣呢？
睩睩好努力咁食緊佢碟美味海鮮飯
卜卜縐晒眉頭：無我份？？
點會無你份呢卜卜?! daddy媽咪一齊俾嘢你食！... 卜卜嗰日食咗好多香蕉，火龍果，薯仔...
喂！火腿唔啱你食，咪搶呀！
睩睩話好食到"lam lam"脷！
睩睩：唔知幾時可以再食過呢？
正打算埋單時，有band表演呀！佢哋唱得好好聽，雖然佢哋唱英文歌，但睩睩卜卜都聽到拍晒手跳晒舞
跳到襪都甩埋！
飯後餐廳前留影
睩睩知道爺爺腰痛，幫爺爺拉架車仔（滿戴攝影器材哦！）..."去嗰邊啦！嗰邊靚呀！"
“家姐行快啲啦！等你一齊影相呀！”
烈日當空下，睩睩終於連人帶車仔行到嚟喇！辛苦晒！
拉得咁辛苦，係時候要呌呌，到daddy拉車，睩睩坐車！
同埋爺爺嫲嫲一齊影！... 卜卜：家姐坐車仔好似好好玩喎，我又坐！
睩睩最鍚就係細路，當然好樂意同卜卜一齊坐，見到卜卜坐得咁開心，睩睩都開心到拍晒手！
要走喇！但睩睩唔捨得架車仔，睇吓！蟹鉗腳！鉗到架車仔半天吊，好腳力！
唔坐都可以拉嘅！爺爺見睩睩咁乖又幫手拉車仔，幾開心！
我哋屋企有條頗長嘅走廊，最好要嚟...
玩爬行比賽！
爬爬吓再去搞搞震，連厠所門都唔放過！
]]>
一日流流長…有咩做好呢？
啊﹗卜卜岩岩起左身…睇下個頭…識飛嫁﹗諗啲野同細路玩先。
啊﹗我諗到﹗就玩HAPPY FACE喇﹗點同細路玩？
咪就係咁玩囉。
玩完細路就食雪糕﹗
細路都有得食嫁﹗大家一齊變污糟嘴。
食完雪糕再食雪糕…筒
某日睩睩同卜卜一齊去左揀衫…哇﹗好多衫啊﹗搵唔搵到我哋呢？
前幾日買咗部學行車比卜卜學行路…睩睩第一個試用﹗“嗯﹗架車既安全無問題”睩睩說
“好驚啊﹗”卜卜說
“啊﹗媽咪…慢啲啊…唔該﹗”
]]>今日係嫲嫲生日，尋日我哋同嫲嫲去廸士尼酒店食自助午餐慶祝...
未夠鐘開餐，喺隔離遊戲室玩陣先
開餐lu! 一入到去見到嘅就係Daisy, 我以為睩睩會驚到喊，好彩又無喎；卜卜就一係推開人哋，一係搞個公仔
高飛呀！
睩睩：驚驚... 卜卜：家姐唔洗驚，我幫你打佢個鼻！
卜卜：搞我個頭吖喇，掹你啲鬚！
爺爺個黑超LOOK幾型!.... 卜卜：啊DAISY小姐，你個衫袖遮住晒，我睇唔到爺爺個型look呀！
切蛋糕喇！高飛嚟同我哋一齊慶祝，影張生日合照，但係卜卜都係對高飛有興趣啲... “啊狗仔，你貴姓呀？”
許個願，祝嫲嫲願望成真！
切蛋糕！就嚟有得食，卜卜終於無再搞搞震
咦！頂生日帽好似啱卜卜戴多啲喎！
食到悶悶哋，睩睩又發癲掛住玩lu!
兩姐弟玩到癲晒！... 佢哋哈哈笑嘅樣，係世上最靚嘅影像；唧唧嘅笑聲，係世上最好聽嘅歌聲！
玩到攰，卜卜有啲呆呆哋
睩睩：殊!... 我同卜卜細路都好攰，要瞓一陣休息吓，你哋唔好咁嘈...
食完飯我哋出室外行吓，影吓相
睩睩：爺爺，好熱呀，“控”咁埋呌唔到氣呀！
天氣實在熱得太過份，我哋行咗五分鐘唔夠就頂唔順走人... 慘啦！啲硏究話香港十年後無冬夭，咁咪全年都無得去室外玩囉！大鑊大鑊！！
早幾日係工人姐姐生日，我哋同佢切蛋糕慶祝
睩睩急不及待攞定隻义
睩睩嘅典型污漕核突食相
睩睩鍾意玩貼紙，貼到成面都係就話自己係monster!.... 媽咪真係未見過咁可愛嘅monster.
um... 不過呢隻monster對卜卜嚟講又真係幾可怕！
嘩！睩睩玩到個頭甩咗呀！
卜卜著呢套衫好型啊！... 紙巾係卜卜嘅至愛，如果喺呢一刻攞走佢包紙巾，佢會立即嚎哭，嚇到你俾番佢為止
細腳，大腳，中腳， 細細腳
]]>
早個幾星期，卜卜已經開始爬，越爬越叻，同家姐以前學爬一樣，用remote嚟引佢就最有效！
睩睩見細路BB爬得咁落力，幫佢沖番個靚涼喎！
洗頭先...
刷背...
洗手臂...
似模似樣㗎！
]]>
睩卜好番好多喇，基本上已退晒燒...
um...不過仲有啲“huh...choo”！
不過呢啲好小事，佢哋已經生猛番晒，仲玩“sir”滑梯添！
玩到撞埋牆！
爬住玩...
頭落先... 撞到頭都歪埋．（小朋友千祈唔好學，睩睩係經過專業訓練㗎！）
仲拉埋卜卜一齊玩... 哎吔！出咗啲意外添...
既然咁精神，出去玩lu！去小白鷺
又餵羊仔，唔知幾個月前睩睩喺度餵過嘅羊仔，仲喺唔喺度呢？
室外實在熱得太厲害，都係頂唔順，轉戰室內... 不過都唔好受
同睩睩玩吹氣彈彈床，好彩啱啱無人玩，我哋可以一齊玩，不過攰到傻，玩一陣已經頂唔順，要daddy接力
大字型daddy痴咗埋牆呀！daddy都唔挨得幾耐，結果我哋要輪住嚟同睩睩玩
玩番啲靜態啲嘅嘢好啲，整麵包，睩睩好似好認真喎
點知擰歪面偷偷哋食提子乾
今日嘅節目好似唔係好啱卜卜，悶到卜卜淨係食手指
等麵包期間，我哋去食tea
睩睩指住話要食咗隻小白鷺，媽咪忍唔住要揾水淋佢：「醒吓啦唔該！」
“睩睩，你望吓嗰邊”
“你咁曳，义你個頭！”
好好味呀！
咁樣食可能好食啲添
爬上去搶嘢食先
吓！無喇？我仲要呀！
網友瀅瀅天生愛乾淨，咁我諗睩睩就係天生愛污漕喇，無晒嘢食就玩喺枱上溶咗嘅雪糕，攞嚟幫張枱做facial
忡係天生粗魯，超級嗰隻
卜卜bb話無眼睇，瞓覺好過
我哋啲麵包完成喇！睩睩啱啱食飽玩飽，但都啤住媽咪，驚死搶咗佢啲包包
]]>
啱啱過咗嘅星期日，我哋去咗睩睩朋友仔嘅生日會，地方好大，有好多嘢食，好多玩具玩，仲有bbq，泳池，同小丑姐姐添！
地方係咪好富麗堂煌呢！
卜卜係七彩精靈蒙面俠！
小丑姐姐幫睩睩喺手臂度畫咗隻好可愛嘅蜜蜂仔！
呢個星期睩卜好可憐呀，齊齊病倒了
首先係睩睩發燒，一發燒嗰陣就變咗隻好嗲嘅呆呆豬
啲燒稍為退啲，又變番隻馬騮喺度練一字馬
真係稍為退燒㗎咋，仲貼緊個退熱貼
發緊燒，火都勁啲！... 咁惡做乜，傷身呀
病緊喺屋企有乜好做呢？... 唱歌囉，睩睩唱歌好好聽㗎！揸個咪揸到好似食雪糕咁
睩睩唱歌好投入，好有感情㗎！
過咗兩日，卜卜bb都發燒喇... 睩睩每日閒閒地都鍚卜卜一百幾十嗒，卜卜又有乜可能唔病埋一份呢
好淒涼呀！
]]>
今日我哋去咗科學館，本來係為咗糖果嘉年華而去，但其實其他展覽都好好睇
呢個係模擬舌頭同牙齒，唔同顏色代表唔同味蕾嘅分佈，仲可以俾啲小朋友喺上面彈吓彈吓，睩睩面對咁多大哥哥大姐姐一啲都唔驚，照跳可也！
不過當卜卜都在場，睩睩就唔跳喇，佢話要保護細路喎！
睩睩同媽咪一齊設計糖紙
“我要你枝藍色！” “唔制呀！”... 究竟邊個搶邊個枝筆呢？？
夾糖糖... 睩睩當然最心急！
你估呢個球體可以載到幾多粒 jelly bean? 提示：多到睩睩都抬得好辛苦！.... 有差不多二萬二千粒呀！
點解我哋打側咗嘅？... 想知？去科學館睇睇啦！
一家四口做咗擺設... 好恐佈呀！
睩睩做咗巡場，四圍巡吓仲有乜好玩
“喇，啲魚魚呢係咁樣咁樣游水嘅... 呢條係藍色，嗰條係透明...” “哦哦哦...” 究竟係邊個教邊個呢？
科學館入面嘅所有嘢，除咗睩睩知有糖糖之外，我肯定無一樣嘢睩卜睇得明，但佢哋都玩得好開心，因為所有嘢對佢哋嚟講都係好新鮮，無論行公園定商塲都唔會見得到；又有冷氣又可以周圍走又有嘢玩，多嘢睇到我哋好唔仔細咁睇都睇唔晒，都算得係一個好地方！而且隨住佢哋一路大，識得更多嘢時，去多好多次都得
去完科學館，番屋企沖個靚涼，卜卜bb成個大爺咁款
“唔係呀，我好nice好可愛㗎！”
daddy都要扮吓同bb沖涼... 扮㗎咋！
“呵呵！細路沖完涼香噴噴，攬吓先！” “唔~~又攬~救命呀~”
卜卜話寧願俾呢堆笑騎騎貓貓攬喎，佢哋無咁粗魯
我係睩睩醫生
媽咪，等我幫你check 吓啦！唔~你患咗「過度鍚睩卜症」，好嚴重...
]]>